பாகிஸ்தான் மகளிர் கிரிக்கெட் அணி தொன்னாப்பிரிக்க மகளிர் அணியுடன் முதன் முறையாக சொந்த மண்ணில் விளையாடவுள்ளது.
அதன்படி, பாகிஸ்தானுக்கு சுற்றுப் பயணம் மேற்கொள்ளும் தென்னாப்பிரிக்கா மகளிர் அணி, மூன்று டி:20 போட்டிகளிலும் மூன்று ஒருநாள் போட்டிகளிலும் விளையாடும்.
போட்டிகள் செப்டம்பர் 1 முதல் 14 வரை நடைபெறும்.
அனைத்து போட்டிகளும் கராச்சியில் உள்ள தேசிய மைதானத்தில் நடைபெறவுள்ள நிலையில், தென்னாப்பிரிக்க அணி வரும் ஆகஸ்ட் 27 ஆம் திகதி பாகிஸ்தான் பயணமாகிறது.
தென்னாப்பிரிக்காவின் சுற்றுப்பயணம் செப்டம்பர் 1 முதல் 5 வரை மூன்று போட்டிகள் கொண்ட டி-20 தொடருடன் தொடங்கும்.
2022-25 ஐசிசி மகளிர் சாம்பியன்ஷிப்பின் ஒரு பகுதியாக இருக்கும் போட்டிகளுடன், செப்டம்பர் 8 மற்றும் 14 ஆம் திகதிகளுக்கு இடையில் ஒருநாள் தொடர் நடைபெறும்.
தற்போது புள்ளிப்பட்டியலில் பாகிஸ்தான் இரண்டாவது இடத்திலும், தென்னாப்பிரிக்கா ஆறாவது இடத்திலும் உள்ளன.
