பிரித்தானிய அரசாங்கம், வெளிநாட்டு மாணவர்களுக்கு வழங்கப்படும் சார்பு விசாக்களை (Dependents VISA) கட்டுப்படுத்துவது குறித்து பரிசீலித்து வருகிறது.
2022ஆம் ஆண்டில் குடும்ப உறுப்பினர்களை நாட்டிற்கு அழைத்து வரும் மாணவர்களின் எண்ணிக்கை கிட்டத்தட்ட 30% அதிகரித்துள்ளதால் இது குறித்து ஆராயப்படுகிறது.
அரசாங்கம் இந்த கொள்கை மாற்றங்களை தொடர்ந்து விவாதித்து வருவதால், வெளிநாட்டு மாணவர்கள் தங்கள் மனைவி மற்றும் குழந்தைகளை “உயர் மதிப்பு” பட்டப்படிப்பினை படிக்காத வரை பிரித்தானியாவுக்கு அழைத்து வர தடை விதிக்கப்படலாம் என்று த டைம்ஸ் தெரிவித்துள்ளது.
விஞ்ஞானம், கணிதம் மற்றும் பொறியியல் போன்ற பொருளாதாரத்திற்கு உயர் மதிப்புள்ளதாக கருதப்படும் பட்டப் படிப்புகளை மாணவர்கள் படித்தால் மட்டுமே குடும்ப உறுப்பினர்களை அங்கு அழைத்து வர முடியும்.
தற்போது, முதுநிலை பட்டப்படிப்பில் ஈடுபடும் மாணவர்கள், எந்தப் விடயதானத்தை தொடர்ந்தாலும், குடும்ப உறுப்பினர்களை அழைத்து வரலாம்.
