ரஷ்யாவின் “மோசடியானதும் தகுதியற்றதுமான” அரசாங்கத்தை வீழ்த்துவதாக அறிவித்து தலைநகர் மாஸ்கோவை கைப்பற்ற வாக்னர் கூலிப்படை போரை ஆரம்பித்துள்ளது.
இதுதொடர்பாக இதுவரையில் கிடைக்கப்பெற்ற தகவல்கள் அய்வரி வாசகர்களுக்காக சுருக்கமாக:-
1) இரத்தக்களரியை தவிர்க்கும் நோக்கில், வாக்னர் கூலிப்படை குழுவின் தலைவர் தனது டெலிகிராம் சேனலில் ரஷ்ய தலைநகரை நோக்கி முன்னேறும் தனது படைகளின் இயக்கத்தை “நிறுத்த” ஒப்புக்கொண்டதாக கூறியுள்ளார்.
2) பெலாரஷ்ய ஜனாதிபதி அலெக்சாண்டர் லுகாஷென்கோ வாக்னர் தலைவர் யெவ்ஜெனி பிரிகோஜினுடன் பேச்சுவார்த்தை நடத்தியதை அடுத்து இந்த உடன்பாடு ஏற்பட்டது என்று ரஷ்ய தொலைக்காட்சி அலைவரிசை ரோசியா 24 தெரிவித்துள்ளது.
3) முன்னதாக யெவ்ஜெனி பிரிகோஜின் ரஷ்ய இராணுவத்திற்கு எதிராக கிளர்ச்சிக்கு அழைப்பு விடுத்தார், ஆனால் சதிப்புரட்சி முயற்சியை மறுத்தார்.
4) வாக்னர் துருப்புக்கள் மாஸ்கோவை நோக்கிச் செல்லும்போது, உக்ரைன் எல்லைக்கு அருகில் உள்ள ரஷ்ய நகரமான ரோஸ்டோவ்-ஆன்-டானைக் கைப்பற்றியதாகக் குழு கூறியது – குடியிருப்பாளர்கள் வீட்டிற்குள்ளேயே இருக்குமாறு கூறப்பட்டுள்ளது.
5) ரோஸ்டோவ் மற்றும் மாஸ்கோ இடையே பாதியில் உள்ள வோரோனேஜில் உள்ள இராணுவ வசதிகளை வாக்னர் கூலிப்படையினர் கைப்பற்றியதாக பிபிசி செய்தி ரஷ்ய ஆதாரங்கள் கூறுகின்றன.
6) கூலிப்படையினர் மாஸ்கோவை நோக்கி நகர்ந்தபோது, தலைநகரின் மேயர் குடியிருப்பாளர்களிடம் பயணங்களை தவிர்க்குமாறு அறிவுறுத்தினார்.
7) ஜூலை 1 வரை மாஸ்கோ பகுதியில் அனைத்து வெகுஜன வெளிப்புற நிகழ்வுகளும் ரத்து செய்யப்பட்டுள்ளன
8) ஜனாதிபதி புடின் ஒரு தொலைக்காட்சி உரையில் இந்த நடவடிக்கையை “துரோகம்” மற்றும் “தேசத்துரோகம்” என்று அறிவித்து, கிளர்ச்சியாளர்களை தண்டிப்பதாக உறுதியளித்தார்.
9) வெள்ளிக்கிழமை இரவு, ரஷ்யாவில் பாதுகாப்பு கடுமையாக்கப்பட்டதுடன், இணையம் தடைசெய்யப்பட்டு மாஸ்கோ தெருக்களில் இராணுவம் அதிகளவில் ஈடுபடுத்தப்பட்டுள்ளது.
10) ரஷ்ய ஜனாதிபதி புட்டின் தப்பிச் சென்றுவிட்டதாக செய்திகள் வெளியாகி இருந்த போதும், அதனை மாஸ்க்கோ மறுத்துள்ளது.
